كلمات Sin Wattanen

SIN WAṬṬANEN

Sin waṭṭanen i d aɣ-yuɣen
ay atmaten d yir nitni
yiwen acḥal d iseggasen
ma d wayeḍ akken kan d-iɣli
Sin waṭṭanen i d aɣ-yuɣen
ay atmaten d yir nitni
yiwen acḥal d iseggasen
ma d wayeḍ akken kan d-iɣli

Yiwen yusa-d si Ccinwa
yuɣ ddunit d tirni
ur yelli wemkan yeǧǧa
iḥuza medden irkelli
ineṭṭeḍ seg wa ɣer wa
deg igellil neɣ deg umeṛkanti
ur tḥebbsent tlisa
yak ur ḥebbsent abeḥri

Sin waṭṭanen i d aɣ-yuɣen
ay atmaten d yir nitni
yiwen acḥal d iseggasen
ma d wayeḍ akken kan d-iɣli

Wayeḍ yusa-d si Weǧda
yeɛna-aɣ-d kan nekkni
'f tmurt isers-d rrehba
seg-s infa tilelli
s ẓẓur ikcem-d ṛṛeḥba
yeddem amkan yeǧǧa Uṛumi
seg wass-n ur s-ibri ara
mazal yeḥkem s uɛsekṛi

Sin waṭṭanen i d aɣ-yuɣen
ay atmaten d yir nitni
yiwen acḥal d iseggasen
ma d wayeḍ akken kan d-iɣli

Am wass-a ad tefsi cedda
ad ṛuḥen di sin wakali
mkul aṭṭan yesɛa ddwa
akken diɣen ula d wigi
yiwen a s-nekmen di tesga
ad nesbeṛ, tallit ad tɛeddi
mi tɛedda ad neffeɣ ɣer beṛṛa
deg wis sin imir-n ad d-nellhi

Sin waṭṭanen i d aɣ-yuɣen
ay atmaten d yir nitni
yiwen acḥal d iseggasen
ma d wayeḍ akken kan d-iɣli
Sin waṭṭanen i d aɣ-yuɣen
ay atmaten d yir nitni
yiwen acḥal d iseggasen
ma d wayeḍ akken kan d-iɣli