كلمات شريط الحزن

🎤 محمد ياسو

من بعد ما شفت كسره نفسي بقيت بكرهني
منك شفت الويل ومنك انتي شفت حزني
انا مش هبكي انا هاخد ركن واكمل لوحدي
كنت ناسي نفسي كان الزعل سارق عمري
انا اي من الدنيا خدت غير احزان وكسره نفس
مش باقيلي مني غير حبه دموع بحزن
انا تعبت وشفت نفسي ضعيف بجد
العيب مكنش عليك للاسف كان علي اللي حب

العيب كان ع الغلبان اللي مفكر حبايبو جمبو
ياسو رجع تاني لوحدو لما لقي الكل سايبو
كتر خيرك مش بلومك عاللي شفته منك
مش هزعل منك صدقني مش هغير طبعك
شفت الشقي ف بعدي عنك شفت الزعل بعدك
كنت بسهر لاجل م اعرف مين بعدني عنك
وادي حبك كات كدبه بارعه ونا صدقتك
كنت ممثل بارع عارف تحتويني بمشهد

وف اخر الليل بتعيد شريط الحزن دايما
كانت هيا بنتك وانت ليها فتره تانيه
بتنسي بيك الوجع كانت عايزه قرب حد
لما اتعلقت بيها سابتك اخر الليل ف البرد
وانت هان عليها وجعك وهان عليها حزنك
افتكرها بكل خير وقول انها خساره فقلبك
وف اخر الليل بتعيد شريط الحزن دايما
كانت هيا بنتك وانت ف حياتها فتره تانيه

وبعد فتره من الوجع الدنيا بقيت تمام
بقيت حياتك احسن وبقيت تعرف تنام
ايوه هو دا الكلام اللي يفرحني بيك يا ياسو
مش عايزك ترجع تاني لفتره مش حاببها برضو
مكنش حد باقي معاك غير السهر و ليل
بقيت بتعيش الحزن بقت حياتك مش بخير
الليل طويل والوقت بيعدي بصعوبه
انا قلبي كان قزاز واتحدفت عليه بطوبه

مكنتش شايف غيرها عارف انك كنت عايزها
هتنسي صوتها خساره فيها انك كنت حبيبها
مكنتش من نصيبها وهيا مكتش من نصيبك
الزعل مش هيدوم اكيد الفرح يبني بايدك
اكيد هتبقي اقوي وخاطرك يوم هيطيب
هتلاقي اللي تكون ليك حبيبه ونت ليها حبيب
بكره تقول ازاي انا كنت زعلان لما مشيت
بكره انت هتتراضي بواحده تفرح قلبك

🟢 واتساب 𝕏

أغانٍ أخرى لـ محمد ياسو