اللي غلاته غير تجي غيبته غير تعبت أهدي الشوق وأدق بابك إن غابت الدنيا أردد حصل خير ويغيب كل الخير لحظة غيابك أنا دخيلك لا تزيد المعاذير وأنا أوعدك ما راح أزود عتابك هتان دمعي يروي كل المسايير ميت عطش ماشفت حتى سرابك يجيبني شوقي بلوعة وتفكير ياليت مرة الشوق لو يوم جابك لدروب وصلك أتعبتني المشاوير وتعبت انادي وماوصلني جوابك تعال وأحيي ميت فيك وأسير بقيود حبك يرجي حضرة جنابك ترى في غيابك ماحصل أي تغيير بس غاب كل الخير لحظة غيابك