كلمات لا تعتذر

تصبح وتمسي وترقد دون تسمعني
عودت قلبك على هجري ونسياني
إنته تعمدت بغيابك تقاطعني
وإنته تسببت في همي وأحزاني

صبرت بس الصبر ما كان ينفعني
ومليت من الانتظار وبعدك أشقاني
يا ما تمنيت شوفك وإنته تمنعني
وإنته تجاهلت أحاسيسي ووجداني

لا تعتذر فالعذر ما عاد يقنعني
من عقب ما ذقت من صدٍ وحرماني
أنا أتحداك إذا تقدر ترجعني
أو إنت تقدر على بعدي وهجراني

ما عاد لك أي دافع شوق يدفعني
من عقب ما إنته تبيع بأرخص أثماني
بالحيل عانيت من بعدك ولوعني
جرب عذاب الفراق ويمكن تعاني

لا لا تحاول وابعد روح وطاوعني
ولا تفكر إنك تعود لدنيتي ثاني
ما عاد أحبك ولا شوفك يولعني
أنا نسيتك وأطلب منك تنساني

تصبح وتمسي وترقد دون تسمعني
عودت قلبك على هجري ونسياني
إنته تعمدت بغيابك تقاطعني
وإنته تسببت في همي وأحزاني