كلمات مش قادرة

قالوا لي إمشي وكملي وهتقدري وهتوصلي
من إمتى وقفت الحياة على حد راح؟
وأنا لما قلت مكملة وهقدر أعيش مش مشكلة
ما كنتش أعرف قد إيه صعبة الجراح

مش قادرة أنا وبعترف، أنا روحي فيك
عملت فيا اللي إتعمل وأنا برضو ليك
إنت الوحيد اللي قدر يملكني يوم
وإنت الوحيد اللي الحياة وقفت عليك

أنا قلتها ماضي إتنسى، ومثلت إني كويسة
وبدوب حنين لو شفت صورتي يوم معاك
دايماً بقول أهي غلطته زمانه عايش دنيته
وأنا جوة مني بقول يا ريت أكون هناك

مش قادرة أنا وبعترف، أنا روحي فيك
عملت فيا اللي إتعمل وأنا برضو ليك
إنت الوحيد اللي قدر يملكني يوم
وإنت الوحيد اللي الحياة وقفت عليك