كلمات نحبّ نعيش
قطرة قطرة ها المطرة
تنحي علينا ها الغبرة
و الغمة خليها تطير
و نشوفو دنيا اخرى
يزي ما صبرنا و تعبنا
و بكينا و حد ماسمعنا
قلوبنا تعبات و ضعنا
في ليل طويل غلبنا
نحب نعيش و نطير بعيد
ننسى الوجيعة و نكسر الحديد
نكتب حكايتي من أول و جديد
صحيح قالو الدنيا صعيبة
واقرب الناس يهربلك بالفاس
اما بايدينا الفرحة تولي قريبة
و ترجع الروح في الانفاس
و هاني نغني نغني
و تقص علينا التنهيدة
و هاني نغني نغني
حتى الغمة تولي بعيدة
نحب نعيش نعيش و ننسى الناس
و الدنيا تزهالي و يوفى الباس
و م الفرحة تسقيني كاس ورا كاس
و هاني نغني نغني
و تقص علينا التنهيدة
و هاني نغني نغني
حتى الغمة تولي بعيدة