كلمات لا تخليني لحالي

حبيبـي يا عـسى ربـي يـجيــبك = تشوف الحـال بعد اللي جرى لـي
حــياتـي كـلـها وأنا انتـخـي بـك = دخـيـلـك لا تـخـلـينـي لـحــالـي

أحـبك كـثر ظـلمك كـثر طـيبـك = كـثر ما مرّ طـيفــك فـي خيالـي
أبي قربـك أبي يـوم اهتنـي بك = وأبيك تـصيـر كل لـحـظـة قبالـي

أنا لا قـلت أحـبـك أعـتـنــي بـك = ولا يـمكــن أخـون اللـي وفـا لـي
حبيبي ويش أسوي كيـف أجيبك = وكيــف أبـدّل الـهـجـر بوصـالـي

حبيبـي ليـه ما تذكــر حـبيبـك = وليــه الـحــب تمـحــاه الليـالـي
حــياتـي كـلـها وأنا انتـخـي بـك = دخـيـلـك لا تـخـلـينـي لـحــالـي