كلمات مراجيح

جوا الظل مطاريد، وحكايتي متتحكيش
انا اللي عيشتي مراجيح، يوم فوق وتحت سنين
مش بشوف الكوابيس، انا اصلا صاحي فيها
ولما الدنيا تحلى شوية، تفكرني انها مراجيح
ليه كل مرة، بتمرمط، والنتيجة صفر كبير؟
بتقولي "فترة" وانا بتقطع، لحد امتى نفضل مفرومين؟
فرصة في التانية جولي بالدور، اضيع الشوطة ويخلص الشوط
أصوات في دماغي زي مولوتوف، احدفها بلساني تخرب الدنيا

ااه مفيش سيريال، أنا مش عارف أنا مين؟
والبلية، مش لاعبة معايا أي جيم (خالص)
برفع ايدي لله، عمرها ما تتمد لناس
حتى لو لقمة العيش حاف، كله بيس وتمام
لا مش بيس ومش تمام، انا بس بصبر نفسي عالهم
و علشان محسش نفسي اهتم (ايه؟) باكل في نفسي بغمس
و محدش كدة كدة مهتم، احنا في دوشة احنا في زن
ومش بلوم حد لو اتهف واتجن واتبرجل
انا جوا سجن عامله بإيدي، المَجني والجاني
الدنيا كلها في توربيني، وانا ثابت مكاني
اشتريت الرخيص بالغالي، باعني مجاني
في البحر عطشت مش هيسقيني، كله أناني
مخمضة واحنا في اللخبطة، مخبطة مكسرة
ما تقولي يابا ايه اللي حصل؟ كل حاجة صابها عطب
الكل بيقولي مجنون (زي زي) رسالة للوالي
ف رد فعلي مش محسوب، ما خربانة و مش فارق

هدي السكسكة والبيزة، وسمعني سلام خيبة ثقيلة
هتتوجعوا شوية ما دي حقيقة، بنعمل نفسنا مش سامعينها
سبع صنايع ايه النتيجة؟ في العشرين عايش ستينك
يوم ب يوم طالع ميتينك، والعقل يسيح دولسيكا
ذنبي، أنا عارف إنه ذنبي
بس الدنيا مش بمبي، لو كنت مكاني تجلي
جلي، ذنبي، ذنبي دة

رامياني و كارهاني، كل ما اقرب كرشاني
هداني وقتلاني، بحس بتتفن باوجاعي
لو كنا عدوين حتى، مكانش دة بقا حالي
انا عايش في مراجيح، ساحباني وجايباني
رامياني و كارهاني، كل ما اقرب كرشاني
هداني وقتلاني، بحس بتتفن باوجاعي
لو كنا عدوين حتى، مكانش دة بقا حالي
انا عايش في مراجيح، ساحباني وجايباني