كلمات صوت المطر

‏تعطّر قلبي بريح المطر واستقبل الهتّان
‏يغني للمطر نبضه وأنا واقف على بابك
‏ألوّح لك وفِي راحة كفوفي ينبت الريحان
‏عساه يجيبك الريحان دام الشوق ما جابك
‏تعطّر قلبي بريح المطر واستقبل الهتّان
‏يغني للمطر نبضه وأنا واقف على بابك
‏ألوّح لك وفِي راحة كفوفي ينبت الريحان
‏عساه يجيبك الريحان دام الشوق ما جابك

‏تعال وبلّغ عيونك تسولف بالفم المليان
‏يا حلو السالفة حلوة لا جتني من أهدابك
‏عطاك الله نظرة ناطقة تحكي بدون لسان
‏تعلّمني وأنا أدرى بالعيون الخرس وأدرى بك
أنا ما أملك عصى موسى، ولا أملك خاتم سليمان
‏عسى ما يبطل السحر الحلال بسبّة غيابك
‏عسى ما يبطل السحر الحلال بسبّة غيابك

‏أحبّك وأفقدك وأعتب عليك وخاطرك لا هان
‏ما ودي يلمسه شي يحسّه من ورا عتابك
‏ أشيل البرد بضلوعي ولو ما قلت لك بردان
‏أغنّي لك وصوتي يرتعش يوم أتغنّى بك
‏قصيدة حبّ كاتبها على قاف وبحر حرمان
‏ وزنها الشوق لعيونك عساها تكسب إعجابك

‏تحلّق بسمك وتكفخ معانيها بلا جنحان
‏تصفّحها لا تمنعها تحط بصفحة كتابك
‏لا تتركها تحت جنح الهجير تجاذب الألحان
‏تهيم بكل وادي ودّها تبدي بمرقابك
‏تهيم بكل وادي ودّها تبدي بمرقابك

‏تفارقنا وكنّا ما نواطن طاري الهجران
‏بقيت ذكراك تكتب لي كلام عنك متشابك
‏يراودني على شوفك وله ما يقبل الكتمان
‏لو إنه يفهم ظروفك قبل لا تشرح أسبابك
‏يا قلبي والغلا ما له قوانين وحقوق إنسان
‏لا تنشدني عن حقوقك بعد ضاعت مع أحبابك
‏لا تنشدني عن حقوقك بعد ضاعت مع أحبابك