كلمات مزيكا هاديه
✍️ كلمات: احمد عادل توفيق
🎼 ألحان: احمد البرازيلي
مزيكا هاديه
و قعده علي ترابيزه فاضية
بكرسي واحد بس ليا
و قهوتي المظبوطة
دي حاجات بسيطة
و ببقي و انا بعملها راضيه
و احب اعيش اللحظة ديه
و ببقي مبسوطة
ايه فايدة الترابيزة يعني
بكرسي تاني
و اللي يكون قاعد عليه
واحد اناني
اديه مكان و فجاه انا
ملقاش مكاني
يعيش عشاني يومين و يطلع
مش عشاني
احتاج لحضن ليه وهي
القهوة ادفي
احتاج لقلب ليه وقلبي
ليا اوفي
لو في يوم ضايقت نفسي
بقولي اسفة
اماني ده في وحدتي مش ببقى خايفة
مش مستعدة
ارجع و اعيد تاني اللي عدى
مبقتش حمل جرح تاني
او انام دموعي علي المخدة
اسلوب حياتي
اهم اسباب انبساطي
مين اللي قال الوحده صعبه
بالعكس انا في احسن حالاتي