كلمات تمسك بي

تمسك باللي ما يرضى عليك وما يبي غيرك
تمسك بي وتلقاني مثل قلبك ورا ضلوعك
تمسك باللي لو يزعل قبل ب أتفه معاذيرك
نشف دمي وأنا واقف عزاي تهل برجوعك

أنا اللي بين ما بينك و قلة خير تقديرك
وطوعت الظروف وإيه رضيت أبقى على طوعك
بقلبي خوف طمني مأزمني بتقصيرك
حرام أحبك لنفسك وأقضي عمري موجوعك

صبرت أكثر من اللازم على صدك وتأخيرك
وعشت العمر مسجونك برغباتك وممنوعك
يا مسرف بي وأنا جنة تجازيني بتبذيرك
يا كم ضحيت لعيونك وكم هديت من روعك

كريم غياب ما ودك بعد شرك يجي خيرك
علي أثقل من الموته لو أطوي كل موضوعك
تبي تخسر غلا قلبي تمادى بي يجي غيرك
أنا أتحداك من مثلي وكثير اللي مثل نوعك