كلمات صباح الخير
SF Record
صباح الخير مع إني مش راقد من أمس
من طيحه الضي لعند ما شرقت الشمس
الوقت يضيع وأنا مازلت عالق في أمس
مافيش جديد مازلت ماشي في أول درس
مازلت عالق ونهلب في راسي نقلّب
نعزق في أوراق لكن الحظ معايا يطرنب
نعزق فهموم ع المايك نقول كلام يلذّع
تمشي الأمور ندعي فالله فرجها يقرب
تعرف كيف نسرح بأحلامي ندير في طابور
شي خذيت اللي نبيها شي بعيالي شي بقصور
شي متغرب شي مشهور عرم فلوس شي مقتول
ومرات تخطم قدامي مسرح بعرم جمهور
الحكاية طالت والعمر يعدي في لحظة
ما أحد طايلها هي دنيا كل حد وحظه
العقول تلاهي كل واحد في راسه قصة
ولما سرحت جت في ودني حج مبرور
تمشي بالستر والضحكه الصفرة تمثلها
دمعة في جفون إلا العزم رايح وكلها
الغصة في قلوب ماشي معاها لعند آخرها
حمول ثقال مافيش إلا الصحة ادهورها
مسؤليات ضغوط حياة الحكاية
يجن أوقات تفقد روحك وتهزبها ع المراية
وأنا اللي كنت سند الهم
ضاقت في يوم ركبني الهم
مشهد حقيقي حافظه صم
نبرم ما لقيتش حد حذايا