كلمات ميت روح

100روح بس مقتول
بصيت في مرايتي لقيت Satan
قال كل خطوه لينا plan
انسان عاش مظلووم
كبر للحق وراح وجاب
من درس الغدر ده استفاد

من درس الأصول
طلعت مذلول
كسرت مقلمتي وقطعت الكشكول
زميل عاش حكايتي حاسد ابتسامتي مع اني من الأصل مكنتش مبسوط

زرعت المحصول
حصدت البعبو
عبيت في محفظتي ومخدتش مصروف
في البرد انا متكتك عريان وبتجمد وبحرقه بتسأل واجاوب مستور

مش مطلوب مني اديلكم اكتر من طاقتي ومش محسوب اللي عملتو المعيوب غلطني
ومعتمدتش النكسه ومدوقتش حبسه طول ما الحق في ضهري اجيب فرعون يخضعلي
مفيش كبير ضمني جيت قطعت بطاقتي لما
جيت عملت الخير اتقطم ضهري
قلبي اتقتل مخي اعتمد دهب مطلي
مفيش عنوان وعيشت في سكن دكن حصري

مكتوب عليا ان انا أعيش ضحيه
مكتوب قتيل
منا سنين بشيل

قتل ومطارده وبيننا حاجات عاديه
ابويا قالي ب ايدي لحقي اجيب

اللي جاي ليا و مداقتش بيا
قدمت سبت حد ايام كتير

دنيا تدور ما بيننا زي مسرحيه
وانا داخل اختم وقتي وده الافيش

100روح بس مقتول
ناسنا مش ناسكم
مسمعش واسكت
ما شوفت كتير

كام انسان ناسيو
وكان انسان عايزو
مش ملكي بس احكم هتدور تبديد

من كتر الغل كنت بخبط نفسي
بضحي ليكو في قلب صحرا ومنسي
بتكملو بيا ومبكملش بيكو ومش هسيبها ليكو ومش هتبقي بمبي

مبدئي ملغي اصبع للي سابني
مبدئكو ماده شويه فكه يعني
الحاله شحه أروح أبيع الكليه اشتري منكو 100و100 ماللي باعني

بالشمال بسمي
مكرهتش حد بس هحب نفسي

اكيد ربك نجدني من سنه زي دلوقتي في ائمه مرمي

شيطان يكسر والملاك يلصم مخفي في مخي طلسم باين مالعروق .

كتير ابعتر ع الحرام واضيع وارجع ابكي بحرقه لأجل ماني اتوب

وبننزف ما بنبكي
كان اي اللي هيفرقلي
معيوب مع العايب بيوانسو للخايب ده قال اي هيفتشني

واخوكم مش هندي
مش من مدينتي
انا زميلي بيحسبلي وفي حاجتي بيحسدني مكفااش قام شاففني

مكتومه الأنفاس
والحق بيضيع
شوف عشان انسي انا شارب كام كاس
كام فركة حشيش
بتحكو في مراسم شرف واحسان وانتم مدعين
ولا مش شبهكم انا اكل منساش
انا ابن الاصيل

عايز أبقي لنفسي انا مش ليكو خالص
عايز ابقي الراجل اللي في عينكو ناقص
انتو صح وانا غلط
مش بغالط
جايين انتو بعُرف ومش معروفلو خالص
ازاي ابقي معمي كل ليله وضارب
ازاي ابقي بينكو وتسأل لي بس جاضض
انتم عزوة عولاه انا لوحدي وطالع
انتو لو رجاله انا اكون مش راجل