كلمات نحنا غير
نحنا غير
نحنا الشارع يلي ربينا بقلبو غير
نحنا ضواحي المدينة لي فيها ليل نجومو غير
انتو مين
نحنا تعبنا حتى نعرف نحنا مين
نحنا عشنا السنة الوحدة عشر سنين
حتى نعرف نحنا مين
طلعنا غير
نحنا عشنا
قصة كانت غريبة
كبرنا صرنا
عم نسأل ليش وكيف ووين
ضحكنا والغصة جوا العين
ياما كنّا
من بعيد نرفع إيدينا
تركونا والريح تغوينا
وبقينا نلوّح طول الليل
لوّحنا حتى نهد الحيل
ماسمحنا الجرح يصير ذكرة حتى نخاف من بكرا
غرقنا ببحر التفكير حتى لقينا انسب فكرة
ننسى هداك اليوم
نحمل حالنا ونقوم
يلي مكانو نجوم ما يرضى بفي الغيم
تَركنا صوت يعيش لا تفكّر يوم تعزّينا
متنا قبل وقديش باقي العمر يقتل فينا
عملنا الوجع موال
كلمة ودقّة عالبال
ذكرة مارح تنشال حكاية اسما نحنا غير