كلمات يمنى الزعيم

طحنون بن زايد
بالطيب ذكره سايد
طود مذب نايد
يمنى الزعيم القايد
شيخ الوطن بوخالد

يا مشبه زايد بطلة محياك
ورثت من زايد وفاك وسدادك
من مدرسة زايد ونهجه عرفناك
فوق الثريا يا الفلاحي مرادك

طحنون بن زايد
كفو ونعم وزياده
رمز وذخر وسياده
يوم الفخر ميلاده
واسمه فخر لبلاده

يا عين ابوخالد والعيون تفداك
الشعب قدر همتك واجتهادك
عينك على امن الوطن دوم وخطاك
صوب العلا واخوان شما سنادك

طحنون بن زايد
كفو ونعم بو زايد
قوله وفعله رايد
شيخ طموحه كايد
طبق الاصل من زايد

يا شيخنا اللي لو نعدد سجاياك
ما يوفي امداد القصايد مدادك
نجمك تعلى واعتلى فوق الافلاك
الله يحفظك دوم عز لبلادك