كلمات حطام ذكرايات
كل يوم انا و الليل و النجوم سوا
وسط الطرق ماشي وحدي براقب السما
و اسرح في يوم كان و اروح نفس المكان
اكون لوحدي
أشخاص و حكايات صور و ذكريات
مش بتفارقني
ليله ورا ليله
ذكريات كتيره
و الكلام جوايا لسه
ايام تعدي مليش مكان وسطها
لا عارف انسي ولا عارف اخلص منها
كل اما احاول ابدا من جديد
بنسي نفسي و ارجعلها
انا تايه في الماضي
انا واقف قصادي
انا ذكره وقتها فات
انا تايه في الماضي
انا واقف قصادي
انا حطام ذكريات
ايامي مش كتيره لاكن في يوم و ليله
بقت حكايات طويله انا تايه فيها
تايه بيني و بيني حاسس اني متغرب
بغرق جوايا ببعد مش بقرب
و حياتي ماشيه بس
زي ساعه في المرايا
بتلف بالعكس
و انا بجري بس
و اسئل أمتي
و لحد أمتي
و ليه و ازاي
و يعدي بكره و زيو بكره
مفيش اجابة علي السؤال
انا تايه في الماضي
انا واقف قصادي
انا ذكره وقتها فات
انا تايه في الماضي
انا واقف قصادي
انا حطام ذكريات