كلمات بعيد تاركني

بعيد تاركني ادور لك اعذار
على الغياب وصدتك وانعزالك
معقول ما جالك على البال زوار
اللي عطالك فرحته ما طرى لك

شهرين واسراب الغلا مالها دار
تاهت وهي تبحث في غابه خيالك
ماتدري ان مفارق الخل جبار
وان الفراق اكبر سبب للمهالك

وانا وحيد وما معي غير تذكار
لو تنشده عن حال خلك حكى لك
كانت حياتي قبلك دروب واسفار
حتى ملكت اللي بقى في وصالك

حبيبك محطم جروح ومنهار
حاله عليك من الوله عكس حالك
قبلك انا وسهيل والجدي سمار
نشرح تغنجك وحلاك و دلالك

نسيتني في الليل ونجوم الاسحار
قيلت ما لي مرقد في ظلالك
خليتني اتعب على جزل الافكار
قلت القصيد وقلت لك طاب فالك

نقلت قدام العدد كل الاصفار
وحطيتني رغم الفقر راس مالك
انا غريب الدار غريب الاطوار
بالمختصر انقذت لك شخص هالك

والحين من شهرين من صار ماصار
وانا اتمنى يا حبيبي سؤالك
بالله ما جيتك على البال زوار
طيفي دخيل الله ما قد طرى لك