كلمات ايجي بست

معرفش والله بس أنا وحشني أيام زمان
كانت مالها أيام زمان؟
أيام زمان كانت عاملة إزاي؟
لا كانت غير دلوقتي فشخ

ايام كده اللي مكنش فيها نت
ولا ستوري ولا لايك ولا كومنت

وشوش حقيقية يلا من غير فلتر

أفلام يلا كانت على شرايط مش إيجي بست
الحياة كان فيها روح كان فيها خير
نفوس البشر كانت غير
دلوقتي كل حاجة فيك بقت زيف
يا أخي حتى السجارة بقت ڤيب
(بقت ڤيب)

وحشني الحب لما كان سهل
(كان سهل؟)
باكو شوكولاتة
قطفتين ورد
(موڤي نايت بقى وكده؟)
موڤي نايت إيه يبني؟ فيلم فالسينما بجد
دلوقتي تقولك عايز بوسة اشحن كارت

حتى البوسة مش حقيقية
(إيموجي)
صورة وهي مستخبية
(لـ one time دي أعرفها)
خناقة على شات وهمية
(آه والله)
دي حروف على شاشة يا غبية
(هو في إيه؟)

ياريتها ترجع ورقة وقلم حبر
دلوقتي تايبينج و تن تن تن
سين زرقا وصحين وزفت
لو ما ردتش هتـ overthink

فين يا أخي أيام الكورة الميكسا
(ميكسا)
دلوقتي يا مش فاضي يا مكسل
(يا مكسح)
الـ short content ده منيل
(منيل)
بيخلي الدماغ كده تغيم

عارف نفسي بجد في إيه
(توك)
مش برادا ولا فندي
كيس الحاجة الحلوة اللي كانت بتجيبه ستي
إحساسي بكل حاجة وقتها مايتوصفش
يا أخي أبسط حاجة كانت بترضي

يا أخي ده حتى الناس مستكترة علينا نحلم
(طيب ما طز)
تشوفنا بنسعى تقعد تِحزّق
هو بيعمل كده ليه؟
هو فاكر نفسه إيه؟
يا اخي اول ما  أوصل هقولك خد ده
(خد ده)

وحشني الايام اللي مكنش فيها نت
ولا ستوري ولا لايك ولا كومنت

وشوش حقيقية يلا من غير فلتر

أفلام يلا كانت على شرايط مش إيجي بست
الحياة كان فيها روح كان فيها خير
نفوس البشر كانت غير
دلوقتي كل حاجة فيك بقت زيف
يا أخي حتى السجارة بقت ڤيب
(بقت ڤيب)