كلمات مرتني
🎼 ألحان: خالد الخالد
مرتني الذكرى وانا ماني بخير
وتخاطفتني دون وعيي ابتسامه
تشبهك ظاهرها سرور وفرح مير
مضمونها غصه وجرح وندامه
سرب السلام اللي تحرى التباشير
ماتوا على بابك حمامه حمامه
عزي لقلبي كن وجده طوابير
والصبح وين الصبح دونه غمامه
يطول ليلي بالشقى والتفاكير
ويهل دمعي لاسالوني علامه
و احن و ادعي واطلب الله تيسير
درب يرده لي بخير وسلامه
وان كان للعشره معزه وتقدير
انسى الزعل وامسح بنورك ظلامه
الصبر عنكم ماخلق له تدابير
ورضاك غايه خافقي واهتمامه
وذنوبي اللي مالها اي تكفير
يطفي وهجها حبنا وانسجامه
شرع لفعلي لجل ترضى معايير
حدد حلاله عندكم من حرامه
واللي تبيه يصير لك بالحذافير
لك عهد مني واوعدك بالتزامه