كلمات كبير حراس الخيبة

[Egyptian spoken dialect]
[Intro]

[Chorus]
كبير حراس الخيبة.. مهنة بقالها زمان
باحرس في النص الفاضي.. وأهرب أنا م المليان
أشوفه أقول ده كمين.. يغري عيون العطشان
أول ما تبل الريـق.. الميـة  بتتحول طين!

لو حلم وقف عـ الباب.. بقفله ضبة ومفتاح
واقفل شبابيك أفكاري.. وأضلم أي نجاح
الفكرة اما بتتمختر.. تيجي تلمع في الراس
أسبقها قبل ما تنور..  أحط عـليها حراس
كبير حراس الخيبة.. مهنة بقالها زمان
باحرس في النص الفاضي.. وأهرب أنا م المليان
وإن شفت واحد متفائل.. أضحك وأقول مجنون..
أكسر سلم نجاحاته.. قبل المشوار ما يكون
أقولو إحلم بقى والبس.. تهمة "تنظيم أحلام"!
إعقل تكسب لك رتبة.. ولا تبقى بطل الاوهام
كبير حراس الخيبة.. مهنة بقالها زمان
احرس في النص الفاضي.. وأهرب أنا م المليان
لو ضحكة عدت جنبي.. بكرمش أنا وشي تملّي
وأسد وداني بكفي.. لا الفرحة تخش لقلبي
أحسن لتبان ف عينيا.. يشوفوها يقولوا سعيد
أطفي أحلامي بإيديا.. قبل ما نورها يقيد
كبير حراس الخيبة.. مهنة بقالها زمان
احرس في النص الفاضي.. وأهرب أنا م المليان
فضلت أحرس ف الخيبة.. وأداري عليها بالخوف
وف لحظة العمر سرقني.. ولاعبني عـ المكشوف
بصيت لقيت الكوباية.. فاضية ولا نقطة مايه
صدقت الخوف جوايا.. ولضعفي كنت ضحية!
الخيبة إدتني نيشان.. وبقيت أكبر خيبان
ضيعت سنين ع الفاضي.. وضاع النص المليان!