كلمات كنت بحبه
✍️ كلمات: مصطفى ناصر
🎼 ألحان: مدين ( محمد مدين )
كان هو الحاجه الباقيه لي
و الحلم المرسوم في خيالي
و بكل وضوح يعني فراقه
كان حاجه متخطرش في بالي
كان قلبه امان كان بيساعني
كنت اسهر بحكي و يسمعني
معملتش جنبه حساب بكره
و جه بكره لقيته مودعني
كنت بحبه و مازلت بحبه
لكن هنكر لو سالوني
و هغمض عيني
لصورته تبان قدامي و تبكي عيوني
و اسكت
علشان صورتي متتهزش
ولا ضعفي يبان قدامه
كنت بحبه
و مازلت بحبه
لكن هعمل نفسي نسيته
بس اما هعدي في يوم في طريق
وانا جنبه في مره مشيته
هعرف ان سنيني لا يمكن تسوا
يوم واحد من ايامه
من يوم ما ايديه
بعدو و سابو
وانا لسه بخبط على بابه
و لحد الان انا مستغرب
شكل الايام بعد غيابه
قسمت معاه همومي و يومي
كان نفسي يا فرحتنا تدومي
ازاي مبقتش اقدر اقابله
غير في الاحلام اوقات نومي
كنت بحبه
و مازلت بحبه
لكن هنكر لو سالوني
و هغمض عيني لصورته
تبان قدامي و تبكي عيوني
و اسكت علشان صورتي متتهزش
ولا ضعفي يبان قدامه
كنت بحبه
و مازلت بحبه
لكن هعمل نفسي نسيته
بس اما هعدي في يوم في طريق
وانا جنبه في مره مشيته
هعرف ان سنيني لا يمكن تسوا
يوم واحد من ايامه