كلمات للشعر سيرة

حل المساء واشعل نجومه قناديل
والصمت عم وجبت للشعر سيره

هزيت غصن الشعر وامطر هماليل
وانا يغني لي على الغصن طيره

طلي وخلي نظره الحاضر تميل
من نور وجهك صار بالنور غيره

هذا السحاب يهل يا فتنه الجيل
يمطر فرح في ليلتك واستثيره

يانوف قومي غيبي نجمه الليل
انتي قمر هالليل في كل ديره

حتى الحلا غنى بحسنك مواويل
متفرده من يوم كنتي صغيره

فيك القصيد يصير من غير تعديل
قلنا كثير وفيك ماهي كثيره

على ولد عمك كتابك تهاليل
عبدالعزيز اللي يشرف مسيره

قولوا لنوف تمر والورده تميل
انتي قمر هالليل في كل ديره

يا نوف كلن قام حشمه وتبجيل
ينظر مع نظرات الاعجاب حيره

عينك تفيا بالرموش المظاليل
كل الوصايف فيك غير وكثيره

ما يشبهك غيرك بكل التفاصيل
مري مثل ورد يفوح بعبيره

يابنت من تعب قروم الرجاجيل
نواف كلن ذاخره للكبيره

هو الذرا فالماضيه والمقابيل
و نمد من خيره وننعم بخيره

وياقلب شاهه مابقا للحكي حيل
في ظلها كل الصعايب صغيره

حنانها دافي ونظراتها سيل
تحيي القلوب الضاميه والكسيره

جعل الليالي كلها لك تساهيل
حلوه ليالي الاوله والاخيره