كلمات كلمات انشودة هي فين الانسانية

هي فين الإنسانيّة
والضمير فى الدنيا ديّا
لمّا يبقى الظلم غيّه
هيّا فين
كلّ يوم بنشوف ونسمع
دم قتل وحاجه توجع
ولّا طفل عنيه تدمع
م الأنين

لمّا طفل رضيع يفارق
أمّ ولّا إخوات شقايق
ولّا يبقى ف دمّه غارق
إنتو فين
لمّا غابت عنّه أمّه
اللّى كانت شايله همّه
بعد امّه مين يضمّه
قولوا مين

ليه بقينا وحوش فى غابه
والضعيف تاكله الديابه
فين أصولنا والطيابه
هيّا فين
احنا مش ممكن هنركع
بكره نور الفجر يطلع
وإحنا ف الآخر هنرجع
منصورين
نفسي مش خايف عليها
بس امّي هموت عليها
عيب عليكم عيب عليكم
عيب سكوتكم عار عليكم
احنا مش ممكن هنركع
بكرة ربّي هيحاسبكم

تفاصيل انشودة هي فين الانسانية
Lyrics Hey Fein El Insaneiah – Ahmed Hassan El Luxory