كلمات حكاية اليوم الاخير

اغنية حكاية اليوم الاخير

مكساج: خالد سند

الكلمات

دي حكاية اليوم الخير بدأت مع طلوع النهار

في الفجر ابويا وامي قاموا وهما أخدين القرار

قالوا هنمشي عشان ظروف ولموا هدومي في شنطتي

سبت اللعب فوق الرفوف ع الارض وقعت ضحكتي

وجرينا ع البحر البعيد وركبنا مركب من ورق

قالوا كلام مفهمتهوش معرفش يعني ايه غرق

الموج علي والمركبة مالت وقعنا كلنا

في البحر اهلي اختفوا ومعادتش فاضل الا انا

من ام كان فاضل يدوب طرحة بألوان الشجر

وساعات بس بدأت احس يعني ايه كلمة خطر

كان المطر زي الدموع نازلة من عين القمر

والبحر كان عليا احن من قلوب باقي البشر

حكاية اليوم الاخير