كلمات اشطر واحده
✍️ كلمات: اسامة محرز
🎼 ألحان: محمد النادي
كذا مره احاول المحله
بمشاعري و نفسي اوصله
بس كسوفي ده عيبي و خوفي
يطلع مش حاسس بهوايا
اشطر واحده في اني اخبي
و مقولوش ايه اللي في قلبي
و افضل شايله كلامي و اداري
و مابينش انا ايه جوايا
حبيت و قلبلي حياتي
بتلخبط انا في مواصلاتي
ببقا انا رايحه اشوف صحباتي
بلاقيني بروح عند مكانه
ليه بتوه لما يكلمني
و سكوتي بيفضل ملازمني
ده انا قلبي تاعبني مجنني
و انا مش قد الشوق و جنانه
قلبي تاعبني باحتمالاته
مره يقولي انا مش على باله
مره يقولي اكيد ده بيتقل
و عايزني اروحله اقولهاله
لو بس يسهلها عليا
و يقرب من قلبي شويه
هيفسر انا ايه جوايا
و هيعرف ان انا ميلاله