كلمات مكسور
✍️ كلمات: عماد عبيد
🎼 ألحان: احمد سعد
انا عايز اعرف كل ده بيحصلي ليه
كتر الوجع خلاني مش قادر اكمل
متقفله ومتخبطه واخرتها ايه
ده انا لو جبل واقف مكاني مكانش اتحمل
مكسور وسوء الاختيار بقى خصله فيا
وحاولت اغير دنيتي وحالي شويه
بتعب على نفسي عشان متعبش اكتر ما انا تعبان
عمال بقاوح يمكن القى بدايه ليا
انا حد تاني مش انا
انا شخص تايه معرفوش
جوايا خوف مفهمتهوش
حاسس حياتي اتلخبطت
حاسس حياتي اتلخبطت
وبتنتهي قدام عينيا
شايف همومي اتكومت
وكل يوم بتهد فيا
وكان حاجه مكتفاني
بتشدني علشان ما اقومش
وسحابه سوده مغمياني
في سكتي ومش عايزه تمشي
من الجاي خايف مبقتش عارف
ايه اللي لازم ارميه ورايا
ايام وساكت وحقيقتي تاهت
ولا حل نافع ابدا معايا
ما انا لو رضيت احساس مخيف
باين عليا في الدنيا ديا
هفضل في توهه لحد النهايه
انا حد تاني مش انا
انا شخص تايه معرفوش
مبقتش عارف مين انا
جوايا خوف مفهمتهوش