كلمات ببقى احبك
مغير اسامر دلتي
محدن درا عن علتي
والبعد مالي وحدتي
اتذكر وصالك و أنوح
يالله يارب الفضا
تعوضني باللي مضا
ابي القناعه والرضا
والخاطر الرحب السموح
كنت انتظر وقت اللقى
بعد السهر وبعد الشقى
بس الامااااني والجروح
وعدتني نبقى سوا
ونكمل دروب الهوا
وتصير لجروحي دوا
واليوم تبغاني أروح
البحر في كفك صفا
والعشق في صدرك غفا
خلك على درب الوفا
لاتترك ايديني وترووح
يا كيف بنسى بسمتك
محدن يضاهي طلتك
في روحتك وفي جيتك
يا منوة عيون الطموح
انت الحقيقه والوهم
وجود غيرك ما يهم
كلام عيني لك يبوح
ببقى احبك للأبد
لا زلت باقي على الوعد
ما احتاج من بعدك احد
اقولها بصدق ووضوووح
ما فيه اصعب من الفراق
شعور لا يمكن يطاق
والدمع في وسط العناق
ألآم وجروحن تفووح
يا بري حالي يالوداع
ينزل دموع الشجاع
بين المحبه والضياع
لا صارت كفوفه تلوح
في نهاية السطر الأخير
بموت في حبك أسير
هذي الحقيقه والمصير
لا تصير في وصلك شحوح