كلمات ضفاف الليل Difaf Al Layl

على ضفاف الليل تنساب الأحلام
وكأن الهوى قامت تهادى طيوفه
إقلط وقلبي لك مثل بدوٍ كرام
أرحب هلا بك وإنت أغلى ضيوفه

طاريك شوق ينعش القلب وهيام
وذكرك له النفس العزيزة شغوفة
نرسم أمل ونقول الأفراح قدام
عل وعسى المشتاق يرتاح جوفه
عل وعسى المشتاق يرتاح جوفه

وأتخيلك بين الحقيقة والأوهام
يا أغلى هوى بالقلب عيني تشوفه
ومن يا من الدنيا ودورات الأيام
ولا الدهر لامن دهتنا صروفه

لكن غلاك يقر الأجفان وتنام
عيني وهي للنوم كانت عيوفه
وتهب نسمات الغلا وكأن الأنسام
تنثر بقلبي أمن وتزيل خوفه
تنثر بقلبي أمن وتزيل خوفه

وأمشي بدرب الحب وأحث الأقدام
وأكسر حواجز كل زماني وطوفه
وألقى مكانٍ غايم وروض وخيام
روضة غلا بأشواق قلبي محفوفه

تمطر عليّ الحب وتمر الأعوام
غيم ٍ يصب الشوق وألمس كفوفه
لوحة غلا قلبي لها صار رسام
ريضان حبٍ ما تورات طيوفه
ريضان حبٍ ما تورات طيوفه

سحابةٍ تمطر غلا والمطر دام
سيلٍ جرى والزرع زانت قطوفه
أحلام حققنا وما صارت أحلام
حكم القدر وأمر الزمان وظروفه