كلمات على إيه بتلومنى Ala Ah Betlomny

على إيه بتلومنى على إيه  كان ليه تهجرنى كان ليه
ياما قلبى شكى ياما دمعى بكى
ما رحمتنيش ليه

خطرش يوم حالى على حالك و أنا اللى ياما قاسيت أحوالك
جالكش هاتف يوم حكى لك على اللى قاسيته أنا بعدك
لو كان لى حتى نصيب فى خيالك ما كانش ده حالى فى حبك
و ما كانش كل اللى جرى ده كان جرى
و لا كانش عهدى فى الهوى ضاع فى الهوى
على إيه بتلومنى

حاسبت روحى على الأيام اللى انقضت من حبى معاك
لاقيتها أكترها أوهام ضاعت ما بين صدك و جفاك
و اللى اتحسب من عمرى راح و انقضى من بدرى
ما فضلش منى غير ظلمك فىّ
لو كنت راضيتنى و عطفت علىّ
كان ضوء عيونك ما فارقش عينايا
و ما كانش كل اللى جرى ده كان جرى
و لا كانش عهدى فى الهوى ضاع فى الهوى
على إيه بتلومنى