كلمات صادق شعوري

انا هاك الشعور اللي
في صدرك دايم تخفيه
و انا كل الكلام اللي
تبي تقوله ولا قلته
خجول صاحبي طبعه
و حبه عني مخبيه
يلمح لي بكلماته
و احبك ساكنه صمته

عطيتك صادق شعوري
و قلبك يالغلا شاريه
وصوتك ساكن سمعي
و اسج لا من تذكرته
يهيم الفكر مع طيفه
و نبضي دايم يحاكيه
و يفز كفه بدون شعور
الى من كفي صافحته

احب صوته وهمساته
و اموت بحسه وطاريه
و اقدر بسمه شفاته
و اعيش احساس ماعشته
ظنوني تذكره بالخير
و شكي ما يحب يجيه
معه مرتاح انا بالحيل
و بين ضلوعي سكنته