كلمات معذب الضيق

ريح الفخر هبت وفاح ازرق الطيب
من قصر يكرم كل من جاه زاير
وعم الفرح يا اهل الكرم والمواجيب
كل البيوت وكل درب وعاير

اهلا هلا بمعذب الضيق تعذيب
من كثر ما شوفه يجيب البشاير
احمد ولد سلطان نسل المعازيب
اللي بفزعتهم تهون العساير

اقبلت قرم عالي الشان ومهيب
تقول ما كنك على الارض ساير
جعلك ذخر لاغلى واعز المطاليب
وجعلك من الفرحه بها دوم طاير

مبروك لك يا راهي الجود والطيب
ومقدارك اكبر من جميع الصغاير
ياللي الا من قلت سم يخسى الذيب
طالبك مطلوبه يلاقيه صاير

يا سهم لا منه رمي لازم يصيب
عز الله انك واحد عن عشاير
عسى مكانك دوم باعلى المراقيب
وتربح وابد ما تعترضك الخساير

يا امير ما تكفيك كثر التراحيب
في هالمسا والله يعرف السراير
كل يبي يوصف سعا دته ويجيب
وصف ابد ما قيل مثله وحاير

العذر منك كل الاشعار ماهيب
قدرك ولا هي قدر ما فالظماير
من الفرح يا معذب الضيق تعذيب
وجه الكرم والمرجله والبشاير