كلمات مش راجع I won't come back

مش راجع أقولك بهواكى
ولا انك نجمه فى شباكى
ولا حتى هقولك يا حياتى
وهعود قلبى ينساكى

مش كنت بحبك واتمنى
والقلب بحبك كان غنى
ضيعتى الحلم اللى ما بنا
وقفلتى بايدك شباكى
وبايه يفيد ندمك ياروحى
على اللى مضى كمان وراح
وانتى سبب كل جروحى
وطالبه انى انسى الجراح
حلال عليكى اللى حصلك
تستاهلى مهما هيجرالك
عشان القلب كتر حبك
سبتيه وحيد وكمان باكى
حطمتى املى خيبتى ظنى عليتى بنا ولا ميت سد
وبقالى سنين عمال ببنى
وانتى سريعه فى الهد
طريقك ده لا مش طريقى
ولا حبك ده حب حقيقى
مشغوله كمان بصاحبى
وتقولى ده شيطان غواكى
لو زرعتى طريقى عنبر
لو بكيتى بحور دموع
جرح قلبى عندى اكبر
قالى انه مافيش رجوع
مش راجع تانى لعذابك
ولا عمرى انا هضعف قصادك
وتقولى ادق بابك
مستحيل نسيان اذاكى
اندمى وغنى الاهات
جانيتى ايه بعد الخداع
غيبى عنى من سكات
مش هيرجع حب ضاع
لومى نفسك ما تلومنيش
ابعدى وخلينى اعيش
شوقى ليكى اصله مات ومات معاه قلب رعاكى

كلمات /رضا العنانى
ألحان وهندسة صوت/سامح إبراهيم
توزيع/فانكى