كلمات راس السنة
بس الله يدري بحالي ❂ الهموم ترسن بالي
حبيت واحد مو وفي ❂ و يخون بيا قبالي
بالكوة اجر انفاسي ❂ غدروني اقرب ناسي
تعبان انا و صاير احس ❂ الموت راكب راسي
اجروحي مو غربة ترا ❂ جرحي انا من الغالي
هذا اجه راس السنة ❂ بس انا كلبي خالي
►◥◣◥◣◥◣◥◣◄
ضاقت عليا الدنيا ❂ هموم و قهر و اذية
ما حد صفى ويايا ابد ❂ بس اني صافي النية
نزلن مطر يا دموعي ❂ يوجع ترى موضوعي
ما يسوى خليته الكلب ❂ نومته جوة ضلوعي
خلاني ما اثق ببشر ❂ شيسكت الجروح البيا
هذا اجه راس السنة ❂ ايخون هوه بيا
►◥◣◥◣◥◣◥◣◄
ابجي و اون بالسكتة ❂ يومي بدمع خلصته
مليت من هذا الحزن ❂ طعم الفرح ما ضكته
مخنوك احس من دنياي ❂ محد عدل يمشي وياي
من جرحي تعبان المضة ❂ يستر الله من الجاي
اني اظل ابيض وجه ❂ باع العشك ما بعته
هذا اجه راس السنه ❂ ايخون بيا شفته