كلمات اقبلوا حرار نجد
✍️ كلمات: قوس
🎼 ألحان: عزوف
اقبلوا حرار نجد وبينهم طير الهدد
بينهم مشهور اللي له على العليا مقام
نفحه من ريح من ذكره بهالدنيا خلد
نسل عبدالله المبجل الامام بن الامام
حي عينك ياسحاب ممتلي وبل وبرد
ياجبل راسي عروقه داحمت هام الغمام
حي مشهور الوليده اللي من يوم انولد
مايشيل الا الثقال وما يحوز الا السنام
تلعب العرضه نجوم سيوفها برق ورعد
في رياض العز فرحه لك يامشهور القطام
مبطي طلت الثريا وحزتها قبل وبعد
يا ملاذ لكل عايز يالكريم بن الكرام
جعله مبروك ودايم ذا الهنا طول الامد
وياعسى الفرحه تباري كل عمرك للدوام
وجعل يا مشهور دربك للسعاده للابد
وجعل ذا الدره الثمينه فرحتك في كل عام