كلمات افا والله افا

لا تعاتبني على مزحي معاك
وتعتبر مزحي وسيله للجفاء
لو خطاي ومزحتي كانت خطاك
كان قلبي ياحبيبي قد عفى

ان قلبي مطلبه يكسب رضاك
وعاهدك ياصاحبي عهد الوفاء
عاهدك ما يعشق إنسان سواك
وعن جميع الناس شاين وأكتفى

اكتفى بك إنت بالذات وعطاك
أصدق الإحساس والأعظم خفى
كيف تجفي صاحبن ما قد جفاك
في غيابك طرف عينه ما غفى

ينتظر وصلك يبي لعلى وعساك
تسمح الزله وخفاقي بصفى
لاتديني بردك وأن أحتاج دفاك
حاجة القطب الشمالي للدفى

إنت غالي ومحدن ياصل غلاك
لو تجافيني وتعطيني قفى
والليالي مالها معنى بلاك
والمفارق جرح واللقياء شفى

ماهقيتن ترمي الماضي وراك
بس ذا المره أفا والله افا
لا تعاتبني على مزحي معاك
وتعتبر مزحي وسيله للجفاء