كلمات القصايد

ماتعيش القصايد في رحا من قرا
قبل مولد قصيدة كم توفى شعور
كنت احيك السوالف لين صوتي سرى
وصرت ادور لصوتي اي سكة عبور
اخذ بخاطر اللي خاطره مابرى
غصب عن عين قلبي صار قلبي صبور
الحبايب منافي والرفاقة ذرى
جعلني فدوة اللي للمواصل شرا
واللي اقفت عيونه بالغياب معذور
اه وش حيلة اللي حط همه ورا
وكل مالد شافه يسبقه بالحضور
ويتغافل حنينه بالخفا مادرى
لين مساه حزنه بالرضا والسرور
انت مالك بصدري والضلوع خشرا
غير وجهك وهمس بالمحاني جهور
قد ماني بكيتك بالشعر لاطرى
وقد مادم قلبي لاذكرتك يفور
صرت انا والاغاني والقصيد عشرا
لين خفت العواطف من غناها تبور
ان ظلمتك بغيابك من تحبه ترى
المسافة قصيرة والليالي تدور
دام الاعمار تفني والجسد للثرى
من يبيح السنابل لو تموت الطيور