كلمات ياللي ليا جيت شيً تكمل اوصافه

يا اللي ليّ جيت شي تكمل أوصافه
واللي بلا ياك ما تهواه الأخلاقي
ترى صوابي لجا وابطيت بإسعافه
يا منجّح الكيّ لا تلحق على الباقي
عامين والحال من فرقاك ملاّفه
لوف أشهب الال عشبٍ نبته أدقاقي
كمّ ليلة من سببك العين ذرّافه
من غيبة الشمس لين الصبح ينساقي
يا عين حر على العسرات مشرافه
عيط لحاليحها تصعب على الراقي
والعنق عنق أدميّ عاود لميلافه
متذيّر عقب ما أروّح ريح تفّاقي
مالك من الجسم غير المتن وأردافه
زاويه خصر عليه الشبر متلاقي
لفيتني لفّ سير فوق حذاّفه
وصرفتني من هوى تلعات الأعناقي
فأدخل على أمّك وأبوك من التزلافه
تبتنّي بالعذاب وتقطع أرزاقي
البرق لجا المشعّف زوّد أشعافه
وأنا مشعّف غرامك وأنت برّاقي