كلمات تاريخ مصيون

يـامستمع للقول وقـف لك شـوي
وقـف لنقـوة ماخلـق رب هالكــون
هزاع لي طيبه شرا السيل يروي
زايـد بزوده عـن كـرام يزيـدون
كفو الصنايع ذايع الصيت ياحي
عز وفراسه وعلم يبطون يحصون
كل البشر ماتختلف انك الضي
يستبشرون بذكر اسمك ويهنون

مايرد خايب بالنواميس مفتون
شمس السعاده سيدي وين تلفي
وغروبها من وين انتوا تقفون
منك السياسه تعلمت كيف تمضي
وترقى بفكرك فوق مرضوف لمزون
والعين ابطت باسمكم كم تغني
هزاع بن زايد لها در مكنون
حتى الظبا فيها بأسمك تلبي
تنده بأسمك ياشغف كل مزيون
في مدحكم لبيات ماتنطلب تي
تصطف تتمنى عسى باسمك تكون

كل القصايد ياسلالة هل العون
وكل القصايد والشعر مايوفي
حقك ولك ياشيخ تاريخ مصيون