كلمات انا انا

الحب لو مايغرقك شوق واشجان
تعن من تلقاء نفسك خيوله
وتاسسه تاسيس دوله بعنوان
تعيش حاكم حب والشوق دوله

تبددت كل المشاعر على شان
لان الحياه بلا مشاعر خجوله
انا انا لو عشت في كل الازمان
شخصيتي لي والغلا للي هو له

الى هنا ياللي تقول الوعد حان
تعال قل لي والفيلم وش فصوله
مجامل واهات وجروح واحزان
وانا مرشحكم لدور البطوله

يمكن اجامل ناس احيان واحيان
الا مصيري ليه اقول انسجوا له
ان قلتوا استبداد رديت والان
تذكروا احلى فصول الطفوله

عطيتكم منها لاليء ومرجان
واليوم خلوني بدور الرجوله
ترى الغلا زوده مع الوقت نقصان
الى من يحبك تغير ميوله

هذا كلام قلوب ينطق به انسان
ويبين في وجهه قبل ما يقوله
ماهو كلام انسان ينطق به لسان
احساسه بمعناه ماهو بحوله

تحسدني اصحابي على جاه سلطان
وتحسدني اعدائي على ما انوله
والمؤمن الصادق بفطرته برهان
لو ثوبه مرقع وحفيت رجوله

حكايه الدنيا يزيدونه ايمان
والفاسق ايمانه يقل ان حكوا له
وانا قبل يومين قلت الانا شان
وجه الزمان اللي ذبحني فضوله

قال العقل من قلب يدفعه وجدان
يكره مظاهر للحياه العجوله
ما كل شي ايدك تطوله ياحمدان
احساسك يوافق بانك تطوله

وانا بشر لي قلب واحساس واعيان
وعندي على التمييز قدره مهوله
انسان يملكني مع الوقت شيئان
ربي وديني مخلده في رسوله

لذلك الانسان يا ناس لو كان
بلا جرءه راي تثقل حموله
من ينتظر فرصه من فلان وفلان
تلقى مقام المجد صعب وصوله