كلمات روحي بلقاك

روحي بلقاك تفز فزت حمامه
وتحوم حولك من غلاك واملها
يا لين من نظرة غلا وابتسامه
ترد روحي الغاليه في محلها

اهواك وارسم للتعجب علامة
كل ما بنورك عيني خطت كحلها
واسال هواك اللي عظيم مقامة
هل خلى فيني ذرة ما وصلها

رح للقصيد ودور اعذب كلامه
وان جبت كلمة توصف احساسي كلها
دام اعجاز تلقى لي وصفي وما دامه
حبك يسد بلاد ويكفي اهلها

اشكر هواك الي غمرني اهتمامه
واشكرها روحك يالي من طيب اصلها
سوت على عمري وعمرك غمامه
تمطر احاسيس وينبت غزلها

امنتك على راسي اشيل احترامه
واعطية من ايام عمري عسلها
لان مدام انت بخير وسلامه
ماريد اي حاجه من الدنيه كلها