كلمات السلامي

ياهل السبِق و ياهل الماركَات
عندنا يلّي يبَاله محزَمه

وارد إلي مايهاب منافسَات
السّلامي و الفعول امختَمه

يشهد الميدان بشيوخ وهَوّات
كاسر التوقيت دايم يحطِّمه

إن بغيت السبِق ياذرب الصّفات
شوفلك نادِر عليهم تجزَمه

يا أهل الإنتاج ما فيكم شَرّات
منتج الوثبه عليكم نجزَمه

ينتج إلي في عيونه الممَات
قالط الثنداه موسع منسَمه

لي على الأتيام ما يبغي وصَات
فارق التوقيت دايم يحسِمه

السّلامي فاق في كل الجهَات
حاصد الألقاب عنده فمنجَمه

شيلة السلامي – مسفر السندوانه
كلمات الشاعر: جاسم محمد بن شملان الطنيجي