كلمات ياكبر شوقي
✍️ كلمات: هشام الداوود
🎼 ألحان: خالد العمودي
يا كبر شوقي وانا ولهان انتظرك
وياكثر ما تلعب بقلبي وتطول غيابي
واذا تبي تجس نبضي والله ما اعذرك
ولا اقدر اقول منك خاطري طابي
تعال واحضن غلاي وشوف وش قدرك
غرامك اصلا يساوي كلي وما بي
تعال واحضن عسى يمسك معي عطرك
ابيه لي يكون ذكرى حلوه على ثيابي
ترا احبك واودك حيل من صغرك
تكبر وحبك بالحنايا باقي رابي
وان كان غيري يقول ان صدتك ابرك
اقول ابرك اموت وانت تحيا بي
تدري مكانك ماتغير باقي على خبرك
حبك حفظته ف عيوني و بين اهدابي
طال انتظاري ياحبيبي متوسدن جمرك
واقول برد وسلام وتحرق اعصابي
شلون ترضى وتكابر هذا وانا انتظرك
دفنت شوقي حرام تطول غيابي
عاهدني نبقى لبعضنا قلبي فدا عمرك
وعهد علي احفظ غلاك وانسى عتابي