كلمات يا دنيا ( شهداء الكرادة )

يا دنيا هديلي اللعب
لو مره وحده وبالجذب
وج انا مشلوع الكلب
بجروحي اتعثر
فدوه احجيلي ويه الوكت
والوكت يحجي ويه البخث
وبينكم انا صرت
مطعون الف خنجر

ولج والله يادنيا وصلت الموت
ترى المخنوك بالكوه يطلع الصوت
حظي ولا مره كعد شحجي انا بعد وبعد
حتى العلى اجتافي صعد عليه يتكبر

كل يوم اسهر لصبح
مدري اداوي ياجرح
وياي انتي مو صلح
يادنيا رحميني
روحي لو بيج ابتلي
مو انا كلش منتهي
روحي الكي غيري والتهي
بلكي الله تنسيني

شنو الموضوع يادنيا قيستي اهواي
على الهموم مسويه عقد وياي
جرحي من همومي كثر
حزني انا وياي كبر
عديت دمعي والمطر
دمعي طلع اكثر

مدري عليمن انتجي
صحبان عندي بس حجي
بشده كالولي نجي
محد سئل عني
ما ادري شنوه الي جره
بس اني ارجع ليوره
اني ادري هيه بالسره
والفرج يوصلني

صار سنيين وانا باقي على وضعي
غير ايدي ولا واحد مسح دمعي
العنده غركانه سفن
مو مثل حزني من حزن
اكثر شخص عينه بجن
عل راحه اتحسر