كلمات صعبة منال

شد الركض يا اهل الحـلال
والركـض يبغالـه سبـوق
حلوة عضا حلـوة قبــال
تـروق اللـي مـا يــروق
سهلة وصف صعبة منال
لقلــوب خلـق الله سـروق
ارخص لهـا خشم الـريال
ان كان تبغـى تـروح فـوق

واسـرع من اضـواء البروق
لي شكـل مضمرهـا هـلال
ياخـذ مـن النسمه نشـوق
وضلـوعهـا قـوس النبــال
متقـوسـه تقـويس طــوق
يسـرح فـي منحـرهـا الغـزال
من العـروق إلــى العــروق
ما بيـن ذنهـا والسبــال
وجــه يــداوي كـل عـوق
متحــدب مثــل النصـال
يقطـع معـاليـق الخفـوق

وتغــازلــه شمس الشروق
من وين مـا تلقـى مجـال
تسبــق دفـع ولا لحــوق
في الـوهـره اتحـط الــرحـال
لــي تلتــفـت فيـهـا العنوق
مضـمـارهـا مـابـه جــدال
عـن كـل مضمــارن يفــوق
مــدعـوم بـجـهــد ومــال
مـن كـف بـن هاشـل دفـوق
نهــر يـــوردوه الـــرجــال
كـل عـام ميـعـاده صــدوق
يا مـرحبـا والحبــر ســال
وسـالـم ابـن هاشـل شفـوق
للمــرجلــه بفعــل وقبــال
لـه مجلــس مـاهـو امغلـوق
مصففـه فيــه الـــدلال
صفت شمــاريـخ العــذوق
راعـي المـواقيـف الجــزال
مخلـوق عـن الــف امخلـوق
وعــزان عــن نهجــه مـا مـال
فعـلـه يــداوي كــل عــوق
مـا يبـــرك الا للثـقـــال
ويتــوق للنــامـوس تـــوق
فــي شفــه يصيـبـه هبــال
مــا بيــن خيــل وبيــن نــوق
ســـلام يــا روس الــرجال
أسـم الرشيدي فـوق فـــوق