كلمات ما قلتلكش ان الكتره

ما قلتلكش ان الكترة لابد يوم تغلب الشجاعة
واديك رايت كلام الامرا طلع تمام ولا فيهشى لواعة
غيرشى اللى كان هالك ابداننا ومطلع النجيل على عيننا
ان فهمى يكره حنا وايش دخل دول يا نا بس ف ديننا
فقسنا لعبته واتجمعنا لا يضيع شرفنا الله لا يقدر

تشوفنا احنا تقول حنفية وتشوفه هوه تقول بلاعة
عايشين فى وادى النيل نشرب من عدادات على مللى وسنتى
من جاز لملح ومن سكر وترموايات لخواجة تريانتى
ربنا ما يوريكشى دوختنا الجيب نضيف اما البيت انضف
والهدمة دى اللى على جتتنا محجوز عليها دى عيشة تقرف
مالقيناش غير اضرابنا ولا انناش نبقى في اهانة
ضربوا لنا الاعور على عينه قال ماهي تلفانه تلفانه
لا والادهى من دي قولتهم علينا اننا عصبجيه

الحق كله على الاغنيا احم يا فرحتنا بشطارتهم
ملهيين فى روزا وماريا والسف نازل على امتهم
امتى بقى نشوف قرش المصرى يفضل فى بلده ولا يطلعشى
انتوا بمالكم واحنا بايدنا دى الايد لوحدها ما تسقفشى