كلمات الحي خالي

چان الحي حلوا بعيني و رياضه تغنيلي
من چنتو ابربوعه انتم و چان الوكت زاهيلي

لكن من رحلتو صار كله ابحزن يبچيلي
ايگلي راحو احبابك خلوني وحش ليلي

اشحالي من امر عالباب و الگاها خليه الدار
اصفن و اهمل ادموعي و اتعيد الـمضى الافكار

يحباب احسبت كلشي و ما احسبت الدهر غدار
عن عيني يبعدكم و يبدل الهنة ابويلي

شفت ابروضة الديران منظر للگلب اثر
حيران الفله ابعيني و ذابل كل غصن اخضر

لا عين التصدليه ولا بسمة وجه اشگر
اسمع بس صداها اينوح و من نوحه انهدم حيلي

ما اوصل بعد للحي ولا مرن تره ابدربه
خالي من محاسنكم لو شفته علي صعبه

اتظنون الوفي بالحب يصبر عالبعد گلبه
ما اگدر اشوف الدار بس الصدى ايناديلي