كلمات شر و خير
✍️ كلمات: امير طعيمة
🎼 ألحان: ايهاب عبدالواحد
بنيجي للحياة صافين
بنسبة مية في المية
ولا حاقدين ولا كارهين
قلوبنا كانها ماية
وفي الدنيا نعيش ونشوف
بشر افعالها بتجنن
وليه تقبل تعيش في الخوف
وسهل تعيشها مطمن
الحياه حواديت
يا روحت يا جيت
وشر وخير
وبينهم خيط
تشوفه بس لو حبيت
بنيجي الدنيا دي بمواعيد
ونمشي في وقت متقدر
ولو نحسبها صح اكيد
هنرتاح في الحياة اكتر
ويعني خلاصة الموضوع
حياتك قطر وبيمشي
في سكة بيبقى فيها رجوع
وسكة تروح ما ترجعشي
تشوفه بس لو حبيت
انت عارف انت فاهم
انت قاري كل حاجة
ليه يسوقك بس غيرك
في الحياه بطل سذاجة
جنة ايه اللي تروحها
لو على حساب دم غيرك
لو كده امال ياعم
النار دي معمولة لمين
انت جيت الدنيا تبني
مش تهد الكون بايدك
ليه بقيت عبد لجنونك
والشيطات بقي هو سيدك
بعد لما العمر يمشي
قولي مين يومها يفيدك
انت مش هتعيش حياتك
بالمناسبة مرتين