كلمات فى الليل لما خلى

فى الليل لما خلى … إلا من الباكى
والنوح على الدوح حلى … للصارخ الشاكى
ما تعرف المبتلى … فى الروض من الحاكى
سكون ووحشة وظلمة … وليل مالوش آخر
ونجمة مالت ونجمة … حلفت ما تتاخر
ده النوم ياليل نعمة … يحلم بها ساهر
الفجر شقشق وفاض … على سواد الخميلة
لمح كلمح البياض … من العيون الكحيلة
والليل سرح فى الرياض … أدهم بغرة جميلة
هنا نواح ع الغصون … وهناك بكا فى المضاجع
ليه تشتهى النوم عيون … وعيون سوالى هواجع
ودوح غرق فى الشجون … ودوح ما شافش المواجع
يا ليل أنينى سمعته … والشوق رجع لى وعاد
وكل جرح وساعته … وكل جرح بمعاد
كم من مفارق وجعته … وليل وهجر وبعاد