كلمات 3SR EL3WAGAN
عيشت دنيا وانا وسط كلاب
عاشرت ناس و ساقها البرشام
السنتي يخش مفيش سلكان
الباب ف الباب و بتدور احزاب
جوا و برا في خسيس و جعان
النقص طبع و الكيوف الوان
الكلام يصحبي لو علي العوجان
لأجل قرش بني يطلعلك ناب
وانا برا عني دماغكم التعبانه
احنا فوق الصح المولي تولانا
السكه دي فيها موته ربنا نجانا
انا كتافي مسنودة و اخواتي رجالة
شخصين جوايا عكس عكاس
شخص يحرز نفسه امان
و شخص يعامل الناس سلكان
و مشافش من الناس غير خيبان
بيحصل دور و تبص كل حاجه بتبقا بووش
كل الجدعان فجأه يطلع كله طلق صوت
الكلام ببلاش جرام الفعل وزن وزن حوت
فقدت الثقه في الانسان و حدفت كله بمولوتوف
يمولانا الناس بتخيب
يمولانا الناس بتزيد
كله بيجي بقرشين
و الباقي بيجي بسطرين
و الدنيا رايحه علي فين؟
بقينا بنحرص علي البيت
لا العيش و الملح مايتصانش
و نرجع نندم بعدين
و اليوم بقا شقلب و اقلب
و الدنيا عماله فينا تعند
صدرت الطرشه و قاطع
علي كله لما دماغي تعبت
و زرعت القرش حصدت الناس
و عرفت ان كله بيتداس
عصر الحب انتهي ...
دلوقتي حصر العوجان