كلمات اصغر مافيكو خاين وبايع

حصريًا على موقع مهرجانات دوت كوم
حبة حريم قراميط سايقين في زمايلنا
لكن إحنا شرفنا الأرض اللي بتشيلنا
أبطال مجالنا، مسيطرين، ملوك جيلنا
تتمنوا فيكو حد صدفة يقابلنا
عازف أورج يوسف أوشا

أصغر ما فيكو خاين وبايع، كلكم واطيين
دلوقتي بس نسيتوا عشرتنا ومش فاكرين
زرعتوا حب طرحتوا غدر، ما بين بشر تعابين
جنك حضر، فجأة إتنكر اللي أنا عامله معاك
يا غزال حارتنا، لو تحت بيتنا عينيا مش شايفاك
كبرت يا أسطى، بقيت تخرف والإزازة سايقاك

خلاص هكرفكو، يلا في داهية، فارقوني
على الملياسي وغش ليه عملتوني؟
وأنا والله كنت شايلكو في عيوني
بناقص منكو، ما إنتو يا عولة بعتوني
يا أصفر بلاش تصفر وفوق بقى، كفاية
آخرك تروح تكريت يا هلس بنتاية
ذكائك لو خانك وفكرت تيجي معايا
هعاملك ميري لو تندبني في حكاية

بيحسدوني وبيقولولي الدنيا والعة معاك
مفكريني وارث وماشي بوزع الألوفات
مليون سلامة على اللي كانوا في يوم يا عم إخوات
حبيتكو وإنتو ما تعرفوش غير الخيانة والغش
غلطان لإني أمنتكو، بس أستاهل، معلش
يا ويلكو مني لما أشوفكو في حتة وش لوش

حبة حريم قراميط سايقين في زمايلنا
لكن إحنا شرفنا الأرض اللي بتشيلنا
أبطال مجالنا، مسيطرين، ملوك جيلنا
تتمنوا فيكو حد صدفة يقابلنا
آدي اللي وراك وراك، لو فين تروح رايحين
أول ما شافوا الحرمة عطلوا، شطبوا بنزين
رفعوا الأرايل كلهم وورا الحريم ماشيين
يكفينا شر بشر كلاب ومن النجاسة شاربين

كلب الفلوس فكر يدوس على عشرة بينا في يوم
فكر زمانه هيسنده وإن الصحاب بتدوم
بقى لما يسمع سيرتي يصحى وينسى طعم النوم
چوكر الورق كارته إتحرق وركنته في الحصالة
بطلوا زرط يا كدابين، أنا عايز أشوف رجالة
ده إنتو البكاسة في دمكو يا عيال وراضعة زبالة

ما لكش ملة وتهت فيك، ما كفاية لبس وشوش
أصل العباية ممشياك وبتعشق أم رموش
إركن يا عطرة، راحت عليك، إبقى إعدل الطربوش
الصبح عامل فيها راجل، بالليل قالب فرفوش
الحبسة مرة وواخدة مني أجدع صاحب ليا
من غيره وحشة الدنيا، والله ضلمة في عينيا
ده أنا لما بزعل وقت حزني بيبقى جنبيا
ليه يا أخويا رحت ورا الحديد، ما بقتش حواليا؟

صاحبي في نيابة وبدعي ربي يهون الأيام
بعدك يا أخويا أنا في ذهول، مش لاقي أي كلام
إنطق يا قاضي وقول براءة، أنا صاحبي مش بينام
قال محكمة فسكت أنا وبقيت يا ناس في مزاولة
أصل الحديد معروف عنيد، أبد يا عم عتاولة
فجأة الحاكم بيقول سكوت، ده الحكم بعد مداولة

أحمد موزة معروف في مجاله بالسلطان
على أي لون يا إبني تلاقيه بيقول على الألحان
إسمه يشرف أي أرض، موجود في كل مكان
من يومه ع المسرح أسد ومعاه الكلام خلصان
كتب الكلام إسلام لبنا وده السافل
الحرف منه يقوم بجيش، في حروبه ده مقاتل
يوسف أوشا ده مزيكاته تجنن العاقل
في التوزيعات معروف ببابا الأورج يا شناكل

إنتم دلوقتي بتسمعوا على موقع مهرجانات دوت كوم